Weather : 15.12° Celsius Kathmandu
Weather : 15.12° Celsius Kathmandu
धादिङ : त्रिभुवन विश्वविद्यालय अन्तरगतका धादिङ जिल्लाको तीनवटा क्याम्पसमा मंगलबार स्वतन्त्र विद्यार्थी युनियनको निर्वाचन भएको छ । त्रि.वि अन्तरगत धादिङमा १२ वटा क्याम्पसहरु रहेका छन् ।
विशेष गरी तीन ठुला दल निकटका विद्यार्थी संगठनहरुको एक आपसमा प्रतिस्पर्धा देखिएको निर्वाचनमा परिणाम भने मिश्रित रुपमा आएको छ ।
कुनै क्याम्पसमा एक्लाएक्लै र कुनैमा गठवन्धन सहित उम्मेद्वार रहेकामा समग्र नतिजामा तीन ठुला दलकै बर्चश्व देखिएको छ ।
धुनीवेशी नगरपालिकामा रहेको मछिन्द्र बहुमुखी क्याम्पस र बेनिघाट रोराङ गाउँपालिकामा रहेको जयबागेश्वरी क्याम्पस तथा चन्द्रोदय बहुमुखी क्याम्पसमा मंगलबार निर्वाचन भएको थियो ।
निर्वाचन परिणाम मिश्रित
बेनिघाट रोराङ गाउँपालिकाको चन्द्रोदय बहुमुखी क्याम्पसमा नेविसंघ र अनेरास्ववियुको प्यानलसंग अखिल क्रान्तिकारी एक्लै प्रतिस्पर्धामा उत्रिएको थियो ।
निर्वाचन समितिले दिएको जानकारी अनुसार अध्यक्ष पदका दुवै उम्मेद्वार अभिषेक पाण्डे र अन्जना रेग्मी को बराबर ७३ मत आएपछि गरिएको गोलाप्रथामा संयुक्त प्यालनबाट उठेका नेविसघका अभिषेक पाण्डे भाग्यमानी बने । उनकै प्यानलबाट सचिव पदका उम्मेद्वार अनेरास्ववियुका सुमन थापा क्रान्तिकारीका प्रतिस्पर्धी विवेक त्रिपाठीलाई १ मतले हराउदै विजयी बने ।
थापाले ७३ मत पाउदा त्रिपाठीले ७२ मत मात्रै पाएका थिए । त्यस्तै कोषाध्यक्षमा पनि पाण्डे प्यालनबाटै प्रविन आले ७७ मत ल्याउदै विजयी भए । उनका प्रतिस्पर्धी सुवास सुयलले ६८ मत मात्रै पाए । चन्द्रोदयमा १५७ मतदाता रहेका थिए ।
जय बागेश्वरीमा क्रान्तिकारीका अनुनय सिलवाल विजयी
बेनिघाट रोराङ गाउँपालिकाकै जयबागेश्वरी बहुमुखी क्याम्पसमा भने संयुक्र गठवन्धनका उम्मेद्वारलाई हराउदै अखिल क्रान्तिकारीका अनुनय सिलवाल निर्वाचित भएका छन् । सचिवमा भने संयुक्त प्यानलबाट नेविसंघका आकृति कँडेल विजयी भइन् ।
.jpg)
मछिन्द्र बहुमुखी क्याम्पसमा नेविसंघको दवदवा
धुनीवेशी नगरपालिकाको मछिन्द्र बहुमुखी क्याम्पसमा भने नेपाल विद्यार्थी संघको पुरै प्यानल नै निर्वाचित भएको छ । सवै विद्यार्थी संगठनहरु एक्लाएक्लै भिडेको यस क्याम्पसमा १ सय ९४ मतदाता थिए ।
जसमा नेपाल विद्यार्थी संिघका समिर पाठक अध्यक्षमा विजयी हुँदा सचिवमा र कोषाध्यक्षमा पनि नेविसंघबाट अनिता गजुरेल र मनिष कोइराला विजयी भए ।
जिल्लाकै पहिलो र ठुलो क्याम्पसमा भने निर्वाचन अनिश्चित
जिल्ला सदरमुकाममा रहेको नीलकण्ठ बहुमुखी क्याम्पस र गजुरीमा रहेको आदर्श बहुमुखी क्याम्पसमा भने निर्वाचन हुन सकेको छैन ।
नीलकण्ठमा निर्वाचनका कार्यक्रम अघि बढिसकेर पनि निर्वाचन समितिका संयोजकले राजिनामा दिएपछि निर्वाचन प्रक्रिया स्थगीत भएको पत्र क्याम्पसले सार्वजनिक गरेको थियो ।
क्याम्पस सञ्चालक समितिले नयाँ निर्वाचन समिति बनाएर मात्रै निर्वाचन कार्यक्रम अघि बढ्ने क्याम्पस प्रशासनले जानकारी दिएको छ । मतदाताको अन्तिम नामावली अनुसार नीलकण्ठमा ९ सय १४ जना मतदाता थिए ।
उता त्रिपुरासुन्दरी गाउँपालिकामा रहेको सल्यानटार क्याम्पसमा स्ववियु निर्वाचन नै भएन भने नेत्रावती सामुदायिक क्याम्पसमा भने सर्वसम्मत रुपमा अखिल क्रान्तिकारीका अभिषेक थपलिया निर्वाचित भएका थिए ।
नेत्रावतीमा अखिल (क्रान्तिकारी) ले सभापति सहित ३ सदस्य, नेवि संघले उप सभापति र सहसचिव सहित १ सदस्य र अनेरास्ववियुले सचिव÷कोषाध्यक्ष सहित २ सदस्य लिने सहमति गरेसँगै क्रान्तिकारीबाट अभिषेक थपलिया सभापतिमा निर्विरोध निर्वाचित भएका हुन् ।
.jpg)
