दोस्रो धादिङ जिल्ला स्तरीय बुद्धिचाल प्रतियोगिताको उपाधि गल्छीका सबिन खतिवडालाइ

गल्छी (धादिङ) : नमुना बागेश्वरी बहुमुखी क्याम्पसले आयोजना गरेको दोस्रो जिल्ला स्तरीय बुद्धिचाल प्रतियोगिताको उपाधि गल्छीका सबिन खतिवडाले उचालेका छन्।

अनरेटेड खतिवडा, भेट्रान खेलाडी खिम प्रसाद अमगाई, उच्च रेटेड खेलाडी रामेश्वर मल्ल र तारामान श्रेष्ठ लगायतका खेलाडी माथि जित हासिल गर्दै सत प्रतिशत नतिजाका साथ खतिवडा धादिङ च्याम्पियन बन्न‌ सफल भ‌एका हुन्।

जिल्ला भरीका ३६ जना खेलाडी सहभागी प्रतियोगितामा रामेश्वर मल्ल दोस्रो र तारामान श्रेष्ठ तेस्रो भ‌एका छन्।

पासाङ तामाङ चौथो हुदै गर्दा निवर्तमान धादिङ च्याम्पियन मनिष कोइराला भने पाचौं भ‌एका छन्।

गल्छी गाउँपालिका अध्यक्ष केदारनाथ खतिवडाको प्रमुख आतिथ्यतामा संचालन भ‌एको यस खेलमा नमुना बागेश्वरी बहुमुखी क्याम्पसका उत्कृष्ट खेलाडीको उपाधि अपिल रिमालले जितेका छन् भने भेट्रान र अन्डर १६ को उपाधि भने क्रमशः खिम प्रसाद अमगाई र एलेक्स गर्तौलाले हाता पारेका छन् ।

त्सस्तै शुभाना श्रेष्ठ महिला च्याम्पियन बन्न सफल भ‌एकी छिन्। क्याम्पसका अध्यक्ष रेशमराज खतिवडाका अनुसार यस क्याम्पसले शिक्षा र खेललाई सगैं लान सके सफलता हासिल गर्न सहज हुने हुनाले खेलमा पनि बौद्धिक खेललाई निरन्तरता दिईएको बताएका छन्।