Weather : 15.12° Celsius Kathmandu
Weather : 15.12° Celsius Kathmandu
धादिङ : पृथ्वीराजमार्ग अन्तरगत नौविसे मुग्लिन सडकखण्डको कृष्णभिरमा सडक भासिदा सवारी आवागमन एकतर्फी बनेको छ ।
विगतमा पहिरोका कारण चर्चित कृष्णभीरमा बुधवार विहान सडक भासिएको हो । सडक भासिएपछि सवारीसाधनहरु आलोपालो गरी एकतर्फी सञ्चालन गरिएको छ ।
गत साताको अविरल वर्षापछि राजमार्गका धेरै ठाउँमा अवरुद्ध बनेका सडकहरु पहिरो पन्छाउदै दुइतर्फी सूचारु गरिएपनि कृष्णभीरमा भने समस्या उत्पन्न भएको हो ।
सडक भासिएपछी थप अध्ययन गर्न जिल्ला प्रशासन कार्यालयको समन्वयमा भुगर्भ विदहरु कृष्णभीर पुगेका छन् । अन्यत्र सवारी सहज सन्चालन भएपनी एकातर्फी सडकको कारण कृष्णभीरमा भने केही समय सवारिसाधन लाइनमा बस्नु पर्ने अवस्था छ ।
यातायात सन्चालनमा सहजीकरण गर्न सो क्षेत्रमा प्रहरी परिचालन गरिएको ईलाका प्रहरी कार्यालय गजुरीका प्रमुख डिल्ली नारायण पाण्डेले बताउनु भयो । काठमाडौंबाट बाहिरिने सवारीसाधनको चाप अत्याधिक भएकोले सवारी केहि समय रोकिनु पर्ने भएको हो ।
